कपिलबस्तु ।  जिल्ला प्रहरी कार्यालय  कपिलबस्तुले लागु औषध सहित ४ जनालाई पक्राउ गरेको छ । पक्राउ पर्नेमा कपिलवस्तु शिवराज नगरपालिका ९ रमुदहवा वस्ने ४२ वर्षीय कृष्ण बहादुर घर्ति मगर र निजको अन्दाजी ३९ वर्षीय मशान्ती घर्ति मगर रहेको प्रहरीले जनाएको छ ।

त्यसै गरी सोही घटनामा संलग्न भएको आरोपमा रुकुम पुर्व सिस्ने गाउँपालिका-६ बस्ने  ४९ वर्षीय सेत बहादुर बुढाथोकी,रुकुम भुमे गाउँपालिका-१ घर भई हाल दाङ लमही नगरपालिका-४ शान्तिनगर बस्ने बर्ष ४३ कि ईच्छा पुरी पुनलाई पक्राउ गरिएको जिल्ला प्रहरी कार्यालय  कपिलबस्तुका प्रहरी नायव उपरीक्षक मिन बहादुर घलेले जानकारी दिए  । 

प्रहरीलाई शंका लागि चन्द्रौटा कपिलवस्तुमा चेकजाँच गर्ने क्रममा मशान्ती घर्ति मगरको शरीरमा लुकाई छिपाई राखेको ८ पोका चरेश जस्तो देखिने कालो खैरो बस्तु फेला परेको छ भने मसान्ती घर्तीले बोकेको कालो व्यागमा भारतिय ५ सय दरको ८ थान  भारतिय नोट सहित नेपाली ७ हजार ७ सय ६५ रुपैयाँ बरामद गरेका प्रहरीले जनाएको छ । 

त्यसै गरी उनीहरुको साथबाट नोकिया फोन र ओपोको स्क्रिन फुटेको मोवाईल बरामद गरेको प्रहरीले जनाएको छ । उनीहरुलाई नियन्त्रणमा लिई वडा प्रहरी कार्यालय चन्द्रौटा कपिलवस्तुले अनुसन्धान गरिरहेको जनाईएको छ ।