हेल्लो नेपाल । चार दिने भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ र भारतीय प्रधानमन्त्री नरेन्द्र मोदी बीच भेटवार्ता सुरु भएको छ । प्रधानमन्त्री प्रचण्ड र मोदीबीच हैदरावाद हाउसमा भेटवार्ता सुरू भएको हो । भेटवार्ताका क्रममा दुई देशका आपसी हित, चासोका विविध विषयमा छलफल हुने र सहमतिमा पुग्ने जनाईएको छ । त्यस्तै भेटवार्ता लगत्तै प्रतिनिधिमण्डल स्तरीय वार्ता हुने कार्यक्रम रहेको जनाईएको छ ।

त्यसै गरी दुई देशकै लागी हित हुने गरी भारतसँग दीर्घकालीन ऊर्जा व्यापार, बंगलादेशसँगको विद्युत् व्यापारमा प्रसारण लाइनको अनुमति र हवाइ रुटका विषयमा छलफल हुने कार्यक्रम रहेको परराष्ट्र मन्त्रालयले जनाएको छ। 

संयुक्त पत्रकार सम्मेलन सकिएपछि हैदरावाद हाउसमै नेपाली प्रतिनिधि मण्डलको सम्मानमा भारतीय पक्षले दिवाभोज आयोजना कार्यक्रम रहेको जनाईएको छ ।