माघ १०

शिबपुर प्राईम कमर्शियल बैँकको एक्सटेन्सन काउन्टर तिलोत्तमा ८ शिबपुरमा सुरुभएको छ। तिलोत्तमा नगरपालीकाका नगरप्रमुख रामकृष्ण खाँडले एक कार्यक्रमका बिच काउन्टरको उद्घाटन गर्दै बैंकको पहुँचबाट थोरै पर रहेको शिबपुरमा प्राईमको शाखा आउनु गौरबको बिषय रहेको बताउनुभएको छ । प्राईम कमर्सियल बैंक प्रदेश प्रमुख कुशसुधन सिँहको अध्यक्षता  ,तिलोत्तमा नगर प्रमुख रामकृष्ण खाँडको प्रमुख आतिथ्यता,केन्द्रीय कार्यालयका सहायक महाप्रबन्धक शुरेश मान सिँहको बिशिस्ट आतिथ्यता, तिलोत्तमा ८ का वडा अध्यक्ष कृष्ण पौडेल , वडा नं ११ अध्यक्ष बिष्णु बरालको आतिथ्यतामा सम्पन्न कार्यक्रमको सञ्चालन प्राईम कमर्शियल भलबारीका शाखा प्रबन्धक ध्रुव भण्डारीले गर्नुभएको थियो । देशभरिमा २०० बढि शाखा रहेको प्राईम कमर्शियलको रुपन्देहीमा ७ वटा शाखा रहेको तथा पहिलो एक्सटेन्सन काउन्टर शिवपुरमा सुरुवात भएको भलवारी शाखाका कर्जा विभागका दिनेश गैर्हेले बताएका छन्।