शुक्रबार, २१ चैत्र २०८१ २०:११

श्री दुर्गा देवी मा.वि. को वार्षिक परिक्षाको नतिजा प्रकाशन, नयाँ भर्ना बैशाख ३ देखि ।

सोमबार, २७ चैत्र २०७९ १४:३९

सियारी, चैत २७ ।

सियारी-६, बर्दहवामा अवस्थित श्री दुर्गा देवी माद्यामिक विद्यालयमा नतिजा प्रकाशन गरिएको छ ।
विधालयले सोमबार विशेष कार्यक्रमको आयोजना गरि कक्षा-५ र ८ बाहेक) कक्षा नर्सरी देखी कक्षा ९ सम्मको वार्षिक परिक्षाको परीक्षाफल प्रकाशन गरेको हो ।


नतिजा प्रकाशन कार्यक्रममा बोल्दै वि.व्या.स. का अध्यक्ष खेमराज गुरुङले शिक्षक, विधार्थी र अभिभावकको सम्बन्ध सुमधुर भएमा विद्यालयको शैक्षिक गुणस्तरमा सुधार गर्न सकिने बताउनु भयो । उहाँले शैक्षिक सुधारका साथै विद्यार्थीहरुको क्षमता र श्रृजनशीलता विकासका लागि विभिन्न कार्यक्रम र प्रयासहरु समितिको तर्फबाट गरिरहेको बताउनुभयो ।

त्यस्तै विधालयका प्रधानाध्यापक थमन बहादुर रानाभाटले अभिभावकहरुले बालबालिकाहरुलाई विद्यालयमा पठाएर मात्र दक्ष नहुने भन्दै विद्यार्थीको सम्पूर्ण पक्षको विकासका लागि घर परिवारले पनि उचित वातावरणको व्यवस्थापन गर्नुपर्ने बताउनुभयो । त्यस्तै उहाँले शैक्षिक रुपमा विकसित भईरहेको सियारी कै उत्कृष्ट विद्यालयका रुपमा स्थापित गर्नका लागि गुणस्तरिय शिक्षामा जोड दिन विद्यालय परिवार हरबखत खटिरहेको जानकारी दिनुभयो ।

कार्यक्रम वि.व्या.स. का अध्यक्ष खेमराज गुरुङको अध्यक्षता, सामाजिक विषय संयोजक कृष्ण अर्जुन कंडेलको स्वागत मन्तब्य तथा परिक्षा संयोजक भिम कुँवरको संचालनमा सम्पन्न भएको थियो ।

चौथो सियारी शैक्षिक महोत्सव- २०७९ मा नि.मा.वि. तर्फ सियारी मै प्रथम स्थान हासिल गरि रनिंग शिल्ड समेत हाता पारिसकेको श्री दुर्गा देवी मा.वि. ले बैशाख ३ गते देखि औपचारिक तवरले शैक्षिक वर्ष २०८० का लागि बालविकास देखि कक्षा १० सम्म (अंग्रेजी र नेपाली माध्यम) नयाँ भर्ना खुल्ने भएकाले समय मै भर्ना हुन पनि अभिभावक तथा विधार्थीहरुलाई अनुरोध गरेको छ ।