मंसिर २० । 
रुपन्देहीको सियारी गाउँपालिका–४ छपियामा रहेको पब्लिक माध्यमिक विद्यालय छपियाका प्रधानाध्यापक डिलाराम खनाल विज्ञान शिक्षक पुरस्कारबाट सम्मानित भएका छन् ।

नेपाल विज्ञान तथा प्रविधि प्रज्ञा प्रतिष्ठान (नास्ट) ले पब्लिक माविका प्रधानाध्यापक खनाललाई सम्मान गरेको हो । उनलाई प्रतिष्ठानको ४१ औं वार्षिकोत्सवको अवसरमा प्रधानमन्त्री पुष्पकमल दाहाल (प्रचण्ड) ले सम्मान गरेका हुन् । 

प्रधानाध्यापक खनाललाई विगत लामो समयदेखि विज्ञान शिक्षामा समर्पित रही विद्यार्थीहरुमा शिक्षाप्रति जागरण तथा अभिरुची बढाई विज्ञान शिक्षा क्षेत्रको विकासमा कदर पुर्याएवापत कदर–पत्रसहित सम्मान गरिएको हो । खनालले पब्लिक माविमा विगत ७ वर्षदेखि अध्यापन गराउँदै आएका छन् ।  उनी विगत २० वर्षदेखि शिक्षण सेवामा आबद्ध छन् ।