सियारी, फाल्गुन १

रुपन्देही सियारी-६, बर्दहवा स्थित श्री दुर्गा देवी माध्यमिक विद्यालयमा बिहिबार एक विशेष खाना महोत्सव तथा विविध सांस्कृतिक कार्यक्रम सम्पन्न भएको छ। कार्यक्रमको प्रमुख उद्देश्य विद्यालयका विद्यार्थीहरूलाई पोषण र सांस्कृतिक समृद्धिको महत्त्व बुझाउनु र समुदायसँगको साक्षात्कारलाई सुदृढ गर्नु थियो।

कार्यक्रमको अध्यक्षता विद्यालयका प्र.अ. मनिषा पौडेलले गरिन्। प्रमुख अतिथि वि.व्या.स. अध्यक्ष खेमराज गुरुङले गरेका थिए भने कार्यक्रमको प्रारम्भमा स्वागत मन्तव्य विद्यालयका संयोजक भिम कुँवरले प्रस्तुत गरे। उनले कार्यक्रममा उपस्थित सबै अतिथिहरू, शिक्षक र विद्यार्थीहरूलाई स्वागत गर्दै, यो कार्यक्रम विद्यालयका लागि एक ऐतिहासिक माइलस्टोन भएको र विद्यार्थीहरूको सृजनात्मकता र सांस्कृतिक पहिचानको विकासमा महत्वपूर्ण योगदान पुर्याउने विश्वास व्यक्त गरे।

यसै गरि कार्यक्रमको सञ्चालन विद्यालयका शिक्षक अर्जुन कंडेलले गरे। उनले कार्यक्रमलाई आकर्षक र मनोहर बनाउँदै, प्रत्येक गतिविधिको समयसीमा र उद्देश्यबारे दर्शकलाई अवगत गराए।

खाना महोत्सव अन्तर्गत विभिन्न सांस्कृतिक परिकारहरूको प्रदर्शनी गरिएको थियो, जहाँ विद्यालयका विद्यार्थीहरूले आफ्नो समुदायका पारंपरिक र लोकप्रिय व्यञ्जनहरू प्रस्तुत गरे। यसले विद्यार्थीहरूलाई आफ्नो सांस्कृतिक धरोहरलाई सम्मान गर्न र विभिन्न जातीय परम्पराहरूको उजागर गरेको विद्यालयका प्र.अ. मनिषा पौडेलले बताए । पौडेलले विद्यालयमा शिक्षा र संस्कृतिको महत्त्वलाई अझ बलियो बनाउन सहयोग पुर्याउनेछ, र आगामी दिनहरूमा यस्ता कार्यक्रमहरू अझ व्यापक रूपमा आयोजना गरिने उद्घोष समेत गरे।

सांस्कृतिक कार्यक्रममा विद्यालयका विद्यार्थीहरूले विभिन्न नृत्य र विभिन्न अन्तरनिहित प्रतिभाहरु प्रस्तुत गरे। नेपाली परंपरागत नृत्यहरू, आधुनिक नृत्य र साङ्गीतिक प्रस्तुतिहरूले उपस्थित जनसमूहलाई मन्त्रमुग्ध बनायो।

कार्यक्रमको अन्त्यमा प्रमुख अतिथि वि.व्या.स. अध्यक्ष खेमराज गुरुङले सम्बोधन गर्दै, यस प्रकारका कार्यक्रमहरूले विद्यार्थीहरूको बहुमुखी विकासमा मद्दत पुर्याउने र विद्यालयको सामाजिक दायित्वलाई अझ मजबुत बनाउने बताएका छन्। उनले विद्यालयका शिक्षकहरूको योगदानलाई सराहना गर्दै, भविष्यमा यस्ता कार्यक्रमहरूलाई निरन्तरता दिनुपर्नेमा जोड दिए।

खाना महोत्सव तथा सांस्कृतिक कार्यक्रम विद्यालयका सबै विद्यार्थी, शिक्षक र अभिभावकहरूको लागि एक अविस्मरणीय अनुभव बन्यो। यसले विद्यालयको सामुदायिक भावना, सांस्कृतिक विविधता र सृजनात्मक क्षमतालाई उजागर गर्यो र विद्यालयलाई अझ प्रगति र उत्कृष्टतामा अघि बढ्न प्रेरित गर्यो।