शुद्दोदन, माघ २४

पूर्वराजा ज्ञानेन्द्र वीर विक्रम शाह परिवार सहित रुपन्देहीको शुद्दोदन गाउँपालिका वडा नं. ५ स्थित ऐतिहासिक दरबहवा भुवेश्वरी कोटहीमाई मन्दिरमा धार्मिक भ्रमणका लागि पुग्नुभएको छ। उहाँसँगको भ्रमणमा उहाँकी पत्नी कोमलराज्य लक्ष्मी देवी शाह र अन्य पारिवारिक सदस्यहरू पनि सहभागी थिए।

यस अवसरमा पूर्वराजाले मन्दिरमा पूजा अर्चना गरेर धार्मिक स्थलको अवलोकन गर्नुभयो। मन्दिर परिसरमा उहाँको आगमनसँगै धार्मिक वातावरण थप समृद्ध र भक्तिमय भएको थियो। मन्दिरका पुजारीहरूले विशेष पूजा अर्चना गर्ने क्रममा पूर्वराजाले देश र जनताको सुख-शान्तिका लागि प्रार्थना गर्नुभएको थियो।

यस भ्रमणका क्रममा पूर्वराजाले लुम्बिनी प्रदेशका विभिन्न धार्मिक स्थानहरूको भ्रमण तालिका सहित अवलोकन गर्ने योजना रहेको छ। शुद्दोदन गाउँपालिकाका स्थानीयवासीहरूले पूर्वराजालाई हार्दिक स्वागत गर्दै धार्मिक आस्थाको महत्व र सांस्कृतिक धरोहरको संरक्षणका बारेमा गहिरो चासो प्रकट गरेका थिए।

पूर्वराजा ज्ञानेन्द्र शाहको यस धार्मिक भ्रमणले क्षेत्रीय सांस्कृतिक समृद्धि र धार्मिक एकतामा थप नयाँ पाटो थपेसंगै राजाको उपस्थितिले स्थानिय जनतालाई थप प्रोत्साहन दिएको छ।।