सियारी, माघ २१

ज्योति विकास बैंक अमुवा शाखाले आफ्नो संस्थागत सामाजिक उत्तरदायित्व (CSR) अन्तर्गत सियारी गाउँपालिका–७ मा अवस्थित जनता माध्यमिक विद्यालयलाई १५ थान फाइबर डेस्क–बेन्च हस्तान्तरण गरेको छ। विद्यालयको वार्षिकोत्सवको अवसर पारेर उक्त सहयोग प्रदान गरिएको हो।

उक्त कार्यक्रममा सियारी गाउँपालिकाका अध्यक्ष, उपाध्यक्ष, विभिन्न क्षेत्रका विशिष्ट व्यक्तित्वहरू तथा विद्यालयका शिक्षक, विद्यार्थी र अभिभावकहरूको उपस्थिति रहेको थियो। बैंकको तर्फबाट क्षेत्रीय कार्यालय बुटवलका प्रमुख आदरणीय कपिल न्यौपाने तथा अमवा शाखा प्रमुख खेम बहादुर सुवेदी कार्यक्रमको विशेष अतिथि रहेका थिए ।

डेस्क–बेन्च हस्तान्तरण कार्यक्रममा बोल्दै अतिथिहरूले विद्यार्थीहरूलाई सहज वातावरणमा अध्ययन गर्न सहयोग पु¥याउने यस्ता सामाजिक उत्तरदायित्वका कार्यक्रमहरू अत्यन्त महत्वपूर्ण रहेको उल्लेख गरे। बैंकका क्षेत्रीय प्रमुख कपिल न्यौपानेले बैंक व्यवसायिक कार्यका साथै सामाजिक क्षेत्रमा पनि निरन्तर योगदान दिइरहेको बताउँदै भविष्यमा पनि यस्ता सहयोग कार्यक्रम जारी राख्ने प्रतिवद्धता व्यक्त गरे।

विद्यालयका अध्यक्ष केशव अधिकारीले बैंकलाई धन्यवाद व्यक्त गर्दै यस किसिमको सहयोगले विद्यार्थीको सिकाइमा थप सहजता ल्याउने विश्वास व्यक्त गरे। उक्त सहयोगबाट विद्यालयका विद्यार्थीहरूले राम्रो शैक्षिक वातावरणमा अध्ययन गर्न सक्ने अवसर पाउनेछन्।

ज्योति विकास बैंकले विभिन्न सामाजिक कार्यहरूमा योगदान गर्दै आइरहेको छ, जसअन्तर्गत शिक्षा, स्वास्थ्य, वातावरण संरक्षण तथा आर्थिक सशक्तीकरणका क्षेत्रमा विशेष ध्यान दिइएको छ। भविष्यमा पनि यस्ता गतिविधिहरू निरन्तर सञ्चालन गर्ने बैंकको उद्देश्य रहेको छ।