शुक्रबार, २१ चैत्र २०८१ २०:१८

बुटवलमा कंगारु अल नेपाल रोड शो इभेन्ट सम्पन्न

सोमबार, ४ भाद्र २०८० १५:२०

भाद्र ४ ।

बुटवल कंगारु एजुकेसन फाउन्डेसनको आयोजनामा कंगारु अल नेपाल रोड शो इभेन्ट सम्पन्न भएको छ ।

भदौ ३ , आइतवार संचालन भएको इभेन्टमा करिब ३०० जना विधार्थीहरुले भिजिट गरि आफ्नो जिज्ञासा राखेको कंगारु एजुकेसन फाउन्डेसन बुटवल शाखाका निर्देशक दिपेश अर्यालले बताउनुभयो । उहाँले वैदेशिक अध्य्यनका लागि विभिन्न मुलुक जान चाहने विद्यार्थीलाइ लक्षित गर्दै उच्च शिक्षाको सम्भावना र चुनौतीका विषयमा उपयुक्त काउन्सिलिंग प्रदान गर्ने अभिप्रायले कार्यक्रम राखिएको जानकारी दिनुभयो ।

कंगारु अल नेपाल रोड शो इभेन्ट, बुटवलमा विद्यार्थीले राखेको जिज्ञासालाई विभिन्न युनिर्भसिटिका प्रतिनिधिहरुले सम्बोधन गरेका थिए। कार्यक्रम अवधिभर आएका विद्यार्थीका जिज्ञासा,प्रश्नहरू अनुत्तरित नछोडेकाले वैदेशिक अध्ययन प्रतिको विश्वास बढेको अर्यालले बताउनुभयो।

कार्यक्रममा बैंक, आईईएलटीएस, पीटीई,  संगै अष्ट्रेलिया, क्यानडा, अमेरिका, न्यूजील्याण्ड, यूके गरि करिब २० वटा भन्दा बढी युनिर्भसिटिका प्रतिनिधिहरुले विधार्थीहरुलाई काउन्सिलिंग गरेका थिए । नेपाल सरकार शिक्षा मन्त्रालय बाट स्वीकृत प्राप्त कंगारु एजुकेसन फाउन्डेसनले २०१८ भन्दा पहिले देखि नै यस किसिमको इभेन्ट आयोजना गर्दै आएको जनाएको छ  । देश ब्यापी रुपमा संचालन भैरहेको उक्त शो इटहरी, चितवन हुदै भाद्र ३ गते आइतबार बुटवल मिलनचोक अवस्थित कंगारु एजुकेसन फाउन्डेसनको भवनमा कार्यक्रम सम्पन्न भएको हो ।