सियारी, १३ फाल्गुन

नेपाल राष्ट्रिय शिक्षक संगठन सियारी गाउँपालिकाको तेस्रो अधिवेशन सोमबार सम्पन्न भएको छ। अधिवेशनको अध्यक्षमा प्रकाश रेग्मी चयन भएका छन्।

सर्वसम्मत गठन भएको यस संगठनका उपाध्यक्ष रामकिशोर यादव, महिला उपाध्यक्ष सृजना काफ्ले, सचिव शंकर गौतम, सहसचिव मुना पोखरेल र कोषाध्यक्ष मनिषा पौडेल नियुक्त भएका छन्। यसका साथै सदस्यहरूमा सुनिल चौधरी, कृष्ण कला, उग्रसेन पासवान, चन्द्रकला थापा, लेखनाथ सापकोटा, भीम कुँवर, प्रकाश पंगेनी, केदार मौर्य, गिरधारी भट्टराई, मालती चौधरी, उमा गौतम, गंगा लम्साल र नीलम चौधरी रहेका छन्।

कार्यक्रम नेपाल राष्ट्रिय शिक्षक संगठन सियारी गाउँपालिकाका निवर्तमान अध्यक्ष दलबहादुर श्रीसको अध्यक्षतामा भएको हो। प्रमुख अतिथिका रूपमा नेपाल राष्ट्रिय शिक्षक संगठनका केन्द्रीय सदस्य मोतिलाल सुवेदी उपस्थित थिए। उनले नवनिर्वाचित पदाधिकारीहरूलाई शपथ ग्रहण गराएका छन्।

नव निर्वाचित अध्यक्ष प्रकाश रेग्मीले आगामी दिनमा सबैलाई एकजुट गरेर शिक्षकहरूको हितका निम्ति काम गर्ने प्रतिबद्धता जनाएका छन्। उनले शिक्षकहरूको विकास र अधिकारको लागि निरन्तर संघर्ष गर्ने कुरा व्यक्त गरे। यस अधिवेशनमा संगठनको कार्यलाई अझ सशक्त बनाउन र शिक्षकहरूको कल्याणका लागि योगदान पुर्‍याउने प्रतिबद्धता जनाए।

सम्पन्न अधिवेशनले शिक्षकहरूको सञ्जाललाई अझ बलियो बनाउन र सियारी गाउँपालिकामा शिक्षाको स्तरलाई सुधार गर्न महत्वपूर्ण भूमिका खेल्ने अपेक्षासमेत गरिएको छ।