सियारी ,भाद्र ११।

स्थापनाको १० औं वर्ष पूरा भई ११ औं वर्ष प्रवेश गरेको अवसरमा श्री समीप वचत तथा ऋण सहकारी संस्थाले वृक्षारोपण गरि “समिप डे” मनाएको छ । हरेक वर्षको भाद्र ११ गतेलाई संस्थाले आफ्नो स्थापना दिवस मान्दै आएको छ । “सहाकार्य र साझेदारीको आधार आर्थिक पहुँचमा सबैको समान अधिकार” भन्ने नाराका साथ सियारी-६, बर्दहवा चोक स्थित संस्थाको आफ्नै भवन परिसरमा बिरुवा रोपिएको संस्थाका व्यावस्थापक इन्द्रा कुमारी रानाभाटले जानकारी दिनुभयो ।

संस्थाका अध्यक्ष सुर्य नारायण यादवको अध्यक्षता तथा संस्थापक सल्लाहकार लालमणि मरासिनिको विशिष्ट आतिथ्यतामा आज एक कार्यक्रमका बीच आप,लिचि र एभोकाडो का बिरुवा सामुहिक रुपमा वृक्षारोपण गरि सम्पन्न भएको हो ।

कार्यक्रममा बोल्दै विशिष्ट अतिथि लालमणि मरासिनिले फलफूलको विरुवाले संस्थाको परिसरलाई स्वच्छ एवं शितलताको तवरले पनि अति नै फाइदाजनक हुने बताउदै यसले फलफुल खान समेत मिल्ने बताउनु भयो । उहाँलेले वृक्षारोपण गरिएको फलफूलको विरुवालाई हामी सबै मिलेर संरक्षण गर्नुपर्ने बताउनुका साथै शुभकामना समेत व्यक्त गर्नुभयो ।

त्यस्तै कार्यक्रममा बोल्दै अध्यक्ष सुर्य नारायण यादवले आफु बाँच्न र अरुलाई बचाउनको लागि हरेक मानिसले कुनै न कुनै बोट विरुवा वृक्षरोपण गर्न आवश्यक भएको र मानिसलाई खानाको रुपमा चाहिने फलफूल पनि रहेको हुँदा फलफूलको विरुवा वृक्षारोपण गरिएको बताउनुभयो । उहाँले संस्था प्रति माया ,सदभाव र समर्थन जनाउदै अनवरत एक दशक भन्दा बढीको सफल यात्रामा  दिनुहुने सम्पूर्ण शेयर सदस्य शुभचिन्तकहरु प्रति हार्दिक आभार प्रकट गर्नुभयो।

यसै गरी ११ औं वर्ष प्रवेश पछिको आजको पहिलो कारोवार शेयर सदस्य सियारी – ६ का जमुना थारु बाट दिप प्रज्वलन गरि कारोबार सन्चालन गरिएको व्यावस्थापक रानाभाटले जानकारी दिनुभयो ।

वृक्षारोपण कार्यक्रममा संचालक समिति, लेखा समिति, उप-समिति पदाधिकारीहरु तथा कर्मचारीको उपस्थिति रहेको थियो ।