असोज ११ ।

सियारी- ६ मदनगन्जमा अवस्थित श्री सिद्धार्थ मा.वि. ले बिहिबार स्वागत कार्यक्रम सम्पन्न गरेको छ ।

विधालयको सभा हलमा कक्षा १२ का विद्यार्थीहरुले कक्षा ११ का विद्यार्थीलाई स्वागत गरेका हुन् । सो अवसरमा बोल्दै कार्यक्रमका प्रमुख अतिथि वि.व्या.स. अध्यक्ष खिमानन्द सापकोटाले विधालयले शिक्षा क्षेत्रमा दिएको योगदान अतुलनिय रहेको भन्दै सापकोटाले अनुशासनको परिधिमा रहेर विधालयले अब्बल काम गरेको प्रति खुसी व्यक्त गर्नुभयो ।

कार्यक्रममा बोल्दै विधालयका प्र.अ. सन्तोष कुमार रानाले व्यावहारिक विधिमा आधारित रहेर विधालयले गुणस्तरीय शिक्षा प्रदान गरिरहेको बताउनुभयो । सो अवसरमा +२ तर्फका संयोजक दल बहादुर श्रीष (कमल), शिक्षक दिपक देवकोटा लगायतले बोल्दै यस क्षेत्रका अन्य शैक्षिक संस्थाहरुको तुलनामा सिद्धार्थ मा.वि. को इतिहास गर्विलो पाको र प्रष्ट रहेको बताउनुभयो ।

विधालयले बिगतबाट नै अभिभावक तथा विद्यार्थीहरुको मन जित्ने गरि पठन पाठन गर्दै आइरहेको वक्ताहरुको भनाई थियो । स्वागत कार्यक्रममा विधालयमा अध्ययनरत विद्यार्थीहरुले भिन्न भिन्न विधामा सांगीतिक एवं साँस्कृतिक प्रस्तुति दिएका थिए । कक्षा १२ मा अध्यनरत छात्रा यमुना अर्यालको अध्यक्षता स्मृति चौधरीको स्वागत मन्तब्य रहेको स्वागत कार्यक्रमको संचालन छात्रा मनिषा लोधले गर्नुभएको थियो ।

वि.सं. २०३९ सालमा स्थापना भएको श्री सिद्धार्थ मा.वि. मा बालविकास देखि कक्षा १२ सम्म नेपाली र अंग्रेजी दुबै माध्यममा पठनपाठन हुँदै आएको छ ।