सियारी | रुपन्देहीको सियारी गाउँपालिकामा स्थानीय स्काउट परिषद्को निर्वाचन सम्पन्न भएको छ l सियारी गाउँपालिकाको सभाहलमा सम्पन्न स्थानीय स्काउट परिषद् सदस्य छनोट निर्वाचनबाट तीन महिला र दूई पुरुष सहित पाँच सदस्य निर्विरोध निर्वाचित भएका छन् l

नेपाल स्काउट ऐन २०५०, संशोधन सहितको दफा ६, नेपाल स्काउट नियमावली २०७७ को दफा २१ बमोजिम सदस्यताको लागि मनोनयन दर्ता भएका उम्मेदवारहरुलाई नेपाल स्काउट निर्वाचन निर्देशिका २०७८ (संशोधन सहित) दफा ११ मा व्यवस्था भए बमोजिम नियमावलीको नियम १८ (ङ) बमोजिम स्थानीय स्काउट परिषद् सदस्यहरुबाट स्थानीय आयुक्तमा यमलाल आचार्य, सदस्यहरुमा चित्र बहादुर गुरुङ, सृजना सुबेदी, सिर्जना काफ्ले र वृन्दा खनाल निर्विरोध निर्वार्चित भएका छन् l

स्काउट नियमावली अनुसार पालिका उपाध्यक्षको अध्यक्षतामा स्थानीय स्काउट परिषद् गठन भएको छ l परिषद्को निर्णय अनुसार यमलाल आचार्य स्थानीय आयुक्तमा नियुक्त भएका छन् l आचार्य २०७६ सालदेखि हालसम्म स्काउटमा समर्पित भइ नेपाल स्काउट सियारी गाउँपालिका तदर्थ समिति संयोजकको समेत भूमिका निर्वाह गरिसकेका छन् l साथै स्थानीय स्काउटको संरक्षकमा पालिका प्रमुख र सदस्य सचिवमा शिक्षा शाखा प्रमुख रहने व्यवस्था छ l नेपाल स्काउटमा १२ वर्षको अन्तरालमा यो निर्वाचन भएको हो l

सियारी गाउँपालिका उपाध्यक्ष तथा सियारी स्काउट प्रमुख तारा थारुको अध्यक्षता, गाउँपालिका अध्यक्ष थानेश्वर घिमिरेको प्रमुख आतिथ्यता ,प्रमुख प्रशासकीय अधिकृत ऋषिराम पन्थी, वडा न ४ का वडा अध्यक्ष श्रीराम यादवको विशिष्ट आतिथ्यटा, शिक्षा शाखा प्रमुख सुधीर पौडेल, लेखा अधिकृत नारायण प्रसाद पौडेल, स्थानीय निर्वाचन अधिकृत तथा शिक्षा समिती सदस्य मथुरा यादव र नेपाल स्काउट लुम्बिनी प्रदेश सदस्य खुमाकान्त अधिकारी लगायतको उपस्थितमा बिहिबार प्रमाण पत्र वितरण कार्यक्रम समेत सम्पन्न भएको छ ।

कार्यक्रमको सहजिकरण नेपाल स्काउट लुम्बिनी प्रदेश सदस्य खुमाकान्त अधिकारी तथा संचालन स्काउटर सृजना काफ्लेले गरेका थिए ।