दोस्रो शुद्धोधन खुल्ला बुद्धीचाल (चेस) प्रतियोगिता कार्यक्रमकाे उद्घाटन

नगेन्द्र केसी शुद्धोधन
रुपन्देही
रुपन्देहीको शुद्धोधन गाउँपालिका ५रजाड स्थित महाकल्प कृषि सहकारी संस्था लि,काे नौ औं स्थापना दिवसको अवसरमा आयोजित दोस्रो शुद्धोधन खुल्ला बुद्धीचाल (चेस) प्रतियोगिता-२०८०कार्यक्रमकाे उद्घाटन कार्यलयकाे सभाहलमा एक समारोहबीच भएको छ। संस्थाका अध्यक्ष चिन्तामणी खरेलकाे अध्यक्षतामा भएको बुद्धीचाल प्रतियोगिताकाे उद्घाटन कार्यक्रममा नेपाल बुद्धीचाल संघका पुर्व केन्द्रीय उपाध्यक्ष माधवप्रसाद प्रधानकाे प्रमुख आतिथ्यतामा सो कार्यक्रमको उद्घाटन भएको थियो।सो प्रतियोगिता भदौ २३ गतेदेखि २६ गतेसम्म सो प्रतियोगिता हुने र सो प्रतियोगितामा शुद्धोधन गाउँपालिकाका सबै वडा बाट विभिन्न संघसंस्था का गरि १६ वर्ष भन्दा माथिका १५ जना र १६ वर्ष भन्दा मुनिका पालिकाका विभिन्न बिद्यालय बाट २५ जना बालबालिकाकाे सहभागी रहेको र २६ गते सो प्रतियोगितामा प्रथम,दोस्रो,तेस्रो हुने लाई प्रमाणपत्र नगदसहित पुरस्कार गरि सम्मानित गरिने प्रतियोगिता संयोजक तथा संस्थाका उपाध्यक्ष नवराज आचार्यले जानकारी दिनुभयो।उक्त कार्यक्रममा संस्थाका प्रमुख सल्लाहकार विष्णु गौतम,खेल सहजकर्ता डिल्लीराम पौडेल(राजु) रुपन्देही बुद्धिचाल संघका उपाध्यक्ष बिजनमान थैव लगायतले प्रतियोगितामा सहभागी लाई शुभकामना मन्तव्य दिनुभएको थियो।संस्थाका उपाध्यक्ष नवराज आचार्यको स्वागतमा र संस्थाका सचिव डालप्रसाद ढुम्रेकाे सञ्चालनमा साे कार्यक्रम भएको थियो।