भाद्र ६ ।

जन्मदिन भन्नेबित्तिकै अहिले धेरैले ‘केक’ भन्ने मात्र सम्झन्छन् । ‘केक’ हरेक अवसरमा प्रयोग गरिने सौखिन साधन बनेको छ । जन्मदिनको पर्याय बनेको ‘केक’ बाल मस्तिष्कमा निकै गहिरो छाप बनेर बसेको छ । ‘केक’ ले क्रेजी बनाएर होला, आजभोलि बालबालिका त घरमा हजुरबुबा, हजुरआमा, आमाबाबु, काकाकाकी, मामामाइजु, दाइदिदीलगायत विभिन्न नातासँग सम्बन्धित सबै आफन्त जन्मेको दिन सम्झाउन थालेका छन् ।

तर रुपन्देही शुद्दोधन -४ केवलपुर निवासी शुशान्त आचार्यले आफ्नो २१औँ जन्मदिन मानवीय धर्म र संवेदनासँग जोडेर मनाएका छन् ।

आचार्यले बुधबार शुद्दोधन -४ केवलपुरमा अवस्थित श्री केवलपुर प्राथामिक विद्यालयमा एक कार्यक्रमको आयोजना गरि गरिब तथा जेहेन्दार ६० जना विद्यार्थीहरुलाई १५ हजार बरावरकाे शैक्षिक सामग्री वितरण गरेका हुन् ।

उनले भने, “मेरो खुशी केकसँग होइन, भागदौडपूर्ण जिन्दगीमा एकमुठ्ठी खुशी आदानप्रदान गर्न थोरै समय भए पनि स-साना बालबालिकासँगै रहेर जन्म दिवस मनाउन पाउँदा हर्षित भएको छु ।”

जन्मदिनमा उपहार लिने नभई दिने चलनको विकास होस् भन्न र गर्नका निम्ति स-साना बालबालिकासँगै जन्मदिवस मनाइएको उनको भनाइ थियो । व्यावसायिक रुपले भिडियोग्राफी तथा फोटोग्राफी रहेका शुशान्त विडिंग नेपालका फाउण्डर समेत हुन् । सानै उमेर देखि नै असाहाय,अनाथहरुलाई सहयोग गर्न रूचाउने उनी सदैव साहारा बन्न चाहान्छन् ।

जब उनी १६ बर्षका थिए उनले पाहिलो जन्म दिन डिस्को, पप, क्लवमा पार्टी र केक काटेर मनाएका थिए। घर बाट पैसा मागेर साथीहरूसँग आफ्नो जन्मदिन मनाएको पनि स्मरण गर्छन् । त्यो बेला उनको मन भने त्यति खुशी थिएन, पटक्कै आनन्द नभएको हेल्लो नेपाल टि.भी. संग आफ्नो अनुभव सुनाउछन् । उनि भन्छन्- तेही दिन देखि मनमनै निर्णय गरे अब म केक काटेर पार्टी दिएर मेरो जन्म दिन कहिले मनाउने छैन बरु गरिब, दिनदुखीको साहारा बन्छु र अरुलाई पनि फजुल खर्च भन्दा सहयोग गर्न अनुरोध गर्छु ।”

२१ वर्षीय शुशान्तको यो प्रेरणादायी सोचको हामीले पनि अनुशरण गर्ने कि ? बधाई एवं जन्मदिनको करोडौं शुभकामना शुशान्त !!!