तमू (गुरुङ) विद्यार्थी,नवलपरासीद्वारा ११३ औं अन्तर्राष्ट्रिय नारी दिवसको अवसरमा महिला सचेतना कार्यक्रम तथा प्याड वितरण

फागुन २४,नवलपरासी ।
“सम्पूर्ण तमू ( गुरुङ ) विद्यार्थी एकजुट होऔं” भन्ने मुल नारा रहेको नेपाल तमू ( गुरुङ ) विद्यार्थी छोंज धीं,जिल्ला कार्यसमिति नवलपरासीले ११३ औं नारी दिवसको अवसर नवलपरासी भित्र रहेका विभिन्न गाउँहरुमा नारी सचेतना कार्यक्रम आयोजना गरी निःशुल्क रुपमा सेनिटरी प्याड वितरण गरेको छ ।

नारी दिवसको अवसरमा छात्राहरुलाई लक्षित गरि संस्थाकि अध्यक्ष सोमिया गुरुङको नेतृत्वमा संस्थाका पदाधिकारी र सदस्यहरुको उपस्तिथिमा घरदैलो महिला सचेतना कार्यक्रम तथा सेनेटरी प्याड बितरण गरेको थियो। कार्यक्रम फागुन १९ गते शुक्रबार सुनवल नगरपालिका वडा नं ७,८ मा २० गते शनिबार बर्दघाट नगरपालिकाभित्र रहेको गाउँहरुमा र २४ गते नारी दिवसमा सुनवल नगरपालिकाको गाउँहरुमा गरी ३ दिन आयोजना गरिएको कार्यक्रम आज सम्पन्न भएको छ। कार्यक्रम विभिन्न गाउँहरुमा गर्नु पर्ने हुदा ३ दिन दिन गरी आयोजना गरेको संस्थाका वरिष्ठ उपाध्यक्ष खेम बहादुर गुरुङले बताए। देशमा स्थानीय स्वास्थ चौकीहरुबाट महिलाहरुलाई अति आवश्यक सेनेटरी प्याडहरु वितरण हुन नसकेको,महिला स्वास्थमा खासै लगानी हुन नसकेको र सेनेटरी प्याड जस्तो बिषयमा स्थानीय सरकारले विशेष पहल गर्नुपर्ने र सर्वसुलभ हुनु पर्ने भन्दै संस्थाकि अध्यक्ष सोमिया गुरुङले नेपाल सरकार तथा स्थानीय सरकारलाई अनुरोध गरिन।

यस संस्थाले स्थापना कालदेखि नै गुरुङ भाषा,संस्कार,संस्कृतिको संरक्षण,सम्बर्द्धन तथा गुरुङ विद्यार्थीहरुको हक हित अधिकारको निम्ति विभिन्न कार्यक्रम तथा अभियान गर्दै आएको र आजको यस कार्यक्रम प्रभाविक रुपमा समपन्न भएको संस्थाका प्रचार सचिब सोम गुरुङले जानकारी दिए।