तमु ह्युल छाेंज धीं जिल्ला परिषद रूपन्देहीको ४४ औं साधारण सभा सम्पन्न

असोज ५, बुटवल ।
तमु समुदायको भाषा, संस्कार, संस्कृतिको संवर्द्धन र प्रवर्धन गर्दै तमु एकता कायम राखी राख्न आवश्यक रहेको एक कार्यक्रममा बोल्ने वक्ताहरुले जोड दिएका छन् । तमु ह्युल छोंज धी गुरुङ राष्ट्रिय परिषद्, रुपन्देहीको ४४ औं वार्षिक साधारण सभामा बोल्ने वक्ताहरुले सो कुरामा जोड दिएका हुन् ।
कार्यक्रममा तमु ह्युल छोंज धी गुरुङ राष्ट्रिय परिषद्, रुपन्देहीको अध्यक्ष बिमला गुरुङतमुले तमु जातिको सामाजिक, सांस्कृतिक, आर्थिक तथा राजनैतिक अधिकारका विषयमा हामी सबै एकताबद्द भएर लाग्नु पर्ने बताए ।


शुक्रबार बुटवलमा सम्पन्न कार्यक्रमलाई सम्बोधन गर्दै कार्यक्रमका प्रमूख अतिथि तमु ह्युल छोंजधी गुरुङ राष्ट्रिय परिषद्का केन्द्रिय अध्यक्ष कर्ण बहादुर तमुले तमु समुदायले आफ्नो पहिचानलाई स्थापित गर्दै राजनीतिक रुपमा सचेत हुनुपर्ने बेला आएको बताए । तमु समुदायको संस्कार र संस्कृतिको मूख्य गरि राज्यले संरक्षण गर्नुपर्ने दायित्व रहेको समेत उनको भनाई थियो ।


कार्यक्रममा तमु ह्युल छोंज धीं गुरुङ राष्ट्रिय परिषद जिल्ला संरक्षक सभापती क्या. टेक बहादुर तमु, तमु ह्युल छोंज धीं गुरुङ राष्ट्रिय परिषद केन्द्रीय सदस्य श्री झपट बहादुर तमु, तमु ह्युल छोंज धीं गुरुङ राष्ट्रिय परिषद केन्द्रीय सल्लाहकार खेमा लिपी निर्माता बाल नरसिंह तमु, तमु ह्युल छोंज धीं गुरुङ राष्ट्रिय परिषद केन्द्रीय सल्लाहकार खेमा लिपी अभियन्ता भिम तमु, तमुस्यो मांगी ह्युल छोज धिं गुरुङ महिला राष्ट्रिय परिषद् जिल्ला रुपन्देही अध्यक्ष जुन माया तमु, थारु कल्याणकारी सभा रुपन्देही अध्यक्ष सतिश चौधरी, नेपाल तमु (गुरुङ) विद्यार्थी छोंज धीं केन्द्रिय भाषिक तथा साहित्य प्रमूख पोविन्द्र गुरुङ लगायतले बोलेका थिए । सभाले सचिव ओम प्रकाश तमुको वार्षिक प्रगति प्रतिवेदन र कोषाध्यक्ष मन प्रसाद तमुले आर्थिक प्रतिवेदन प्रस्तुत गर्नुभएको हो । तमु ह्युला छोंज धी गुरुङ राष्ट्रिय परिषद् रुपन्देहीका अध्यक्ष बीमला गुरुङको अध्यक्षतामा भएको कार्यक्रम तमु ह्युल छोंज धीं गुरुङ राष्ट्रिय परिषदका जिल्ला वरिस्ठ उपाध्यक्ष राम बहादुर तमुले स्वागत गर्नुभएको थियो । कार्यक्रममा जिल्ला देखि केन्द्रसम्म विभिन्न क्षेत्रमा योगदान पुर्याउनु हुने अग्रज व्यक्तित्वहरुलाई समेत सम्मान गरिएको थियो ।