शुक्रबार, २१ चैत्र २०८१ २०:१६

प्रथम टिकटक लाइभ खुल्ला गुरुङ नृत्य प्रतियोगिता सम्पन्न

मंगलवार, २८ कार्तिक २०८० १५:४५

“तमु क्येए पाेँले ,प्ये ताँ ल्हु ताँ ल्वोले” अर्थात गुरुङ भाषा बोलौ,संस्कार,संस्कृति सिकौ भन्ने मुल नाराका साथ सामाजिक संजाल(@gurungbabita7) टिकटक आइडी ग्रुपबाट प्रथम टिकटक लाइभ खुल्ला एकल तथा युगल नृत्य प्रतियोगिता भर्चुअल रुपमा सम्पन्न भएको छ। प्रतियोगितामा सहभागी ३५ जना प्रतियोगिहरुले मौलिक गुरुङ पहिरनमा गुरुङ भाषाका गितहरुमा आफ्नो नृत्य प्रस्तुत गरेका थिए। सहभागी प्रतियोगिहरु मध्ये क्रमश प्रथम बाँझपाटन पोखराका देबि गुरुङ्ले नगद रु-१५००० र प्रमाणपत्र,द्वितिय पोखरा-१३ चिसापानीका एर बहादुर गुरुङ र सकुन्तला गुरुङ्ले नगद रु-१०००० र प्रमाणपत्र,तृतीय सामुहिक नृत्यमा गोरखा अजिरकोट-४ भाँजेका सुनिता गुरुङ,रोजिना गुरुङ,सुष्मा गुरुङ्ले नगद रु-५००० र प्रमाणपत्र प्राप्त गरेका छन त्यसैगरी प्रोत्साहन स्वरुप सान्त्वना पुरस्कार काठमाण्डौका ओभि गुरुङ्ले नगद रु-२००० र प्रमाणपत्र त्यसैगरि भरतपुर-१५ चितवनका नारायण थिम्जे गुरुङ्ले नगद रु-२००० प्रमाणपत्र प्राप्त गर्रेका छन।कार्यक्रम कार्तिक महिनाको १८ गते शनिवार गरिने भनिएता पनि प्राबिधिक कारणले हिजो २५ गते शनिबार साँझ ५.०० बजे देखि राती ११.३० बजे सम्म भर्चुअल रुपमा @gurungbabita7 TikTok लाइभ बाट भएको गुरुङ नृत्य प्रतियोगितामा गुरुङ साँस्कृतिक अन्वेशक निर्देशक कृष्ण कुमार गुरुङ,स्टार्स फाउण्डेशन नेपालका अध्यक्ष,चलचित्र नृत्य निर्देशक कोरियोग्राफर जसु गुरुङ र नृत्य निर्देशक संघ रुपन्देहिका अध्यक्ष सुन्दर गुरुङले निर्णायकको भुमिका निर्वाह गरेका थिए।

नृत्य प्रतियोगितामा अतिथिहरु कृष्ण कुमार गुरुङ,जसु गुरुङ,सुन्दर गुरुङ लगायतले सामाजिक सन्जाल बाट गरिने यस्ता कार्यक्रमहरुले भाषा संस्कार,संस्कृति सम्बर्द्धन र संरक्षण गर्न नयाँ पिढिलाई सन्देश मिल्ने बताए।कार्यक्रममा ग्रुपका सल्लाहकार बौद्ध प्रसाद गुरुङ,ङोलो ङोल्स्यो ग्रुपका अध्यक्ष धन कुमारी गुरुङ र एल.जि एसोसियसन बेलायतका सल्लाहकार एम. जे (महेन्द्र जङ) गुरुङ्,कार्यक्रम संयोजक बबिता गुरुङ्ले शुभकामना मन्तव्य राखेका थिए।सह-संयोजक कृष्ण गुरुङको स्वागत तथा ग्रुपका सद्स्य कुमार गुरुङ्को सन्चालनमा कार्यक्रम सम्पन्न भएको थियो।

❤️