शुद्दोदन, ८ फाल्गुन

प्रजातन्त्र दिवसको अवसर पारी, शुद्दोदन ३ रमवापुर स्थित यज्ञोदय दुधनाथ थारु बहुमुखी क्याम्पसले आफ्नो खजुरिया ब्लक वरपरको क्षेत्रमा झाडिहरु सरसफाइ कार्यक्रम सम्पन्न गरेको छ। क्याम्पसले समाजमा सफा र हरित वातावरणको महत्वलाई बुझ्दै यस किसिमको पहल गरेको हो।

सरसफाई कार्यक्रममा क्याम्पस अध्यक्ष सोमनाथ शर्मा तथा गाउँपालिका अध्यक्ष विष्णुप्रसाद बस्याल संगै क्याम्पस प्रमुख टंकप्रसाद पौडेल, प्राध्यापक, विद्यार्थी, प्रहरी, पत्रकार लगायतका सहभागीहरुको उपस्थिति रहेको थियो। सार्वजनिक सरसफाइ कार्यक्रममा क्याम्पसका शिक्षक, विद्यार्थी तथा स्थानीय समुदायका सदस्यहरुले सक्रिय सहभागिता जनाए। यस अभियानमार्फत खजुरिया ब्लक वरपरको क्षेत्रमा रहेका झाडी र फोहोर सफा गरिएका छन्। यस पहलले वातावरणीय सचेतनासमेत फैलाउने कार्य गरेको छ।

कार्यक्रममा क्याम्पस अध्यक्ष सोमनाथ शर्माले भने, “आजको यज्ञोदय दुधनाथ थारु बहुमुखी क्याम्पसको सामूहिक प्रयासले स्थानीय समाजमा स्वच्छता र स्वास्थ्यको महत्त्वमा जोड दिन सफल भएको छ। हामी आगामी दिनहरूमा पनि यस्ता सामाजिक कार्यमा सक्रिय रहन निरन्तर प्रयास गर्नेछौं।”

गाउँपालिका अध्यक्ष विष्णुप्रसाद बस्यालले क्याम्पसको यस पहलको सराहना गर्दै भने, “यस किसिमको पहलले हाम्रो समुदायमा स्वस्थ र सफा वातावरणको निर्माणमा मद्दत पुर्याउँछ। यसले प्रजातन्त्र दिवसको अवसरमा एक राम्रो सन्देश दिएको छ।”

कार्यक्रम सफलतापूर्वक सम्पन्न भएकोमा क्याम्पसका संचालक समितिका पदाधिकारी तथा सदस्य, प्राध्यापक, विद्यार्थी र स्थानीय प्रतिनिधिहरूको महत्त्वपूर्ण योगदान रहेको थियो। यस कार्यक्रमले क्याम्पस र समुदाय बीचको समन्वयलाई बलियो र आगामी दिनहरूमा यस्ता सामाजिक उत्तरदायित्वका कार्यक्रमहरूको आयोजना गर्न प्रोत्साहित भएको क्याम्पस प्रमुख पौडेलले बताए ।